~" SITURU' KEDO, ATE AMPE' PIKKIRANG "~

Diwattu namatindona allo
Nalammusang pattang
Diuru bongi, 
Dipimmonina irri-irri'
Kumanya-manyai kubukka' tutu'na ate

Kupaccingngi siola pikkirangku'
Kulimassi kakadekanna gau' ampe kedo-kedoku'
Kupimbalai pikkirang kadake' mako diampana rupa tau
Tipo'na mako ditobara-bara'ku

Kupindodo mako diolona puang
Madondong duambongi
Tatta' pasituru ateku, pikkirangku ampe' gau'ku
Namangkasa-kasajangngi padangku rupa tau 
Nanisijulu-juluangngi kacoaan
Tuo dibaona lino, lambi' mako diakhera'

Kupindodo mako di puang 
Di timbokkasna allo
Di lolona mata allo
Di kara-karayyanna bongi
Di pari-parigina midondong
Pasilambikangnga' kacoaang
Anu' nanipingkitai tama
Tama di situru'na kedo, ate ampe pikkirangku'

Azhari Belajar Nulis Puisi
Mamuju, 10 september 2012, Pukul 23:39 Wita.